برنامج اصلاح لفلاشة

تصليح الفلاش ميموري ـ كلام نهائي





البرنامج هو حرق الفلاشة او اصلاحة













II- مقدمة



مش معقول يعني كل مقدمة هتكون فشنك
نتكلم في الجزئية و الموضوع هيكون جزئيات و كل ما تلاقي نفسك فاضي خد جزئية
الكلام عن فكرة الموضوع العامة و ايه الفرق بينه و بين برامج الفرمته و الحلول الاخري


أضرب مثال


تخيل لو إنك عندك ويندوز و حصل فيه قلق يعني لعب في الريجستري علي كام فيرس علي ملفات سيستم ناقصه علي كل اللي يجي علي بالك و الجهاز قارفك اخر قرف ايه الحل في الحاله هاي؟؟



طبعا واحد هيقولك احذف الكاسبر ــ اكيد من اللي بيحبوه ـــ يجيلك واحد من اللي بيكرهوه و يقولك نود و التالت افيرا و الرابع يقولك الهاي جاك اولا و هتقعد أخي الكريم ترقع في النسخه من هنا و من هنا و يا عالم ممكن الحلول تظبط و ممكن لا


طيب شو الاريح؟؟ انك تفرمت و تسطب ويندوز من جديد طالما هاردوير الجهاز سليم و عندك نسخه ويندوز نضيفه فرمت و اتكل و انسي كل المشاكل دي دا تقريبا الحال مع الفلاش




الفلاشة بعد التشريح بتكون هيك شكلا





كل فلاش عليه برنامج بيحدد ماركته و سعته و قابليه الكتابه و كل شئ خاص بالفلاش أيوه مظبوط اسمه firmwareو بيبقي موجود علي حاجه اسمها شيب control chip دا في المثال بتاعي يقابل الويندوز ـ رقم واحد في الصورة 1




و في جزء من الفلاش اسمه الروم او الذاكرة memory chip دا اللي انت بتخزن الملفات عليه و دا ممكن نسيمه في المثال بقيت الهارد و القلق اللي عليه ـ رقم 2 في الصورة




كل الحلول السابقه بتلعب علي الذاكرة يعني مثلا انت عاوز تفرمت الفلاشه الامر تنفيذه بيتم علي الروم بس لازم الfirmware هو اللي ينفذ طيب امتي تنفع الحلول دي لو الفيرم وير كويس و المشكلة في الروم طيب ايه اللي يحصل لو الفيرم نفسه هو اللي باظ او ببيبوظ طبعا انسي مش هتعرف تطبق امر واحد علي الروم


الفرق بين الحل هاد و اخواته ان الحل هاد ببساطه بيتعامل ابتداء مع الشيب هنفرمت الشيب—يعني هنشيل الويندوز—و بعد ما نزل شيب جديد نقوله فرمت و بس
أتمني تكون الفكرة وصلت بالسلامة


و أنا أهم شئ عندي توصيل فكرة الموضوع لان العملية سهلة خالص و تطبيقها سهل جدا
و كان ممكن مثلا بدل كل الكلام هادــ اللي فات و اللي جاي ـ أقولك هات بيانات الفلاشة و انا اديك برنامج يفرمت و خلاص بس لا و ألف لا الحكمة بتقول " لا تعطيني سمكة و علمني الصيد " و ان شاء الله الكل لازم يتعلم الصيد بالاضافة الي اني لو كنت عملت كده كان الموضوع هيكون مخالف لانه ممنوع فتح موضوع تلقي الطلبات هههههههههه
بعد فكرة الموضوع النظرية نشوف التطبيق العملي بس في كلمتين كده الاول و لا أقولك نخليها جزئية










III-نصائح هامة جدا قبل تطبيق الموضوع




1-يجب التأكد من أن العيب بالفلاشة و ليس شئ آخر ـ يعني مثلا أحيانا الفلاشة بتكون محمية نتيجة فيرس غير اعدادات في الويندوز ريجستري فالحل هنا يكون بتصليح الويندوز
أحيانا اخري بيكون العيب من المنفذ المستعمل او استعمال كابل تطويل ردئ فيجب التأكد من مثل هذه العوامل



2-إذا تأكدت أن العيب من الفلاشة ـ و كانت مثلا محمية ضد الكتابة ـ هناك حلول أخري ـ
و ماأكثرها هنا ـ يعني يفضل ان تجعل تجديد الفيرم وير آخر الحلول



3- ( مصمم بقي علي طريقة الموضوع)
إذا كانت الفلاشة في فترة الضمان أو الكفالة لا تجرب طريقة الموضوع لان مجرد تغيير الفيرم وير كافي باخراجها خارج الضمان بالإضافة ان طالما في الضمان يبقي نستبدلها و نريح نفسنا
و الفلاشات لها ضمان كاي قطعة اخري بمعني لا تجعل البائع يوهمك ان الفلاشات تباع بلا ضمان سيبك منه و اشتري من غيره



4- إذا كانت الفلاشة من ماركة معروفة مثلا Imation أو A-data أو Transcend او غيرهم
يفضل تبدا الحلول بالبرامج الرسمية التي توفرها مواقع هذه الشركات و لو الفلاشة حتي في فترة الضمان لا إشكال لانه برنامج رسمي و دي خطوة ناس كتيييييير بتهملها



5- ( شو هاد ؟ انت لسه معايا)
بعد كده ممكن نلعب في الفيرم وير زي ما إحنا عاوزين و ضميرنا مستريح تماما
نقطة اخري مهمة و هي إن معظم برامج الشيب بتطلب ويندوز اكس بي أي نعم أحيانا البرامج بتعمل علي ال 7 بدون مشاكل و احيانا لا تعمل فالشغل علشان يكون standard يكون علي اكس بي لا يوجد لديك سوي 7 يبقي تجرب البرنامج عليه انت و حظك واذا لم يكن يبقي تتصرف في اكس بي
نرجع بقي للتطبيق العملي ـ ركز معايا انت نسيت و لا ايه؟
















IV - ال Chip Genius




احنا قولنا قبل كده ان طريقة الموضوع ده بتعتمد علي ال firmware الموجود في ال control chip
وطبعا عقلا مش معقول كل الفلاشات باختلاف ماركتها و موديلاتها ليها شيب واحد كل فلاشه ليها اللي يخصها و خلي بالك مش كل ماركة نظام شيباتها واحد كل فلاشه علي حده



فالمطلوب دلوقتي نحدد نوع الشيب و رقمه

عندنا كذا طريقة



1- حضرتك فاكر صورة الفلاشة المتشرحة فوق هاد؟ أفضل طريقة و بدون استعمال برامج هي فتح الفلاشة و قراءة الكنترول بالعين المجردة طبعا مع انه حل ممتاز و هامش الخطأ به


0 % و لكن غير محبوب ـ مابعرف ليه ــ فالخيار هاد هيكون الثالث و الأخير معانا في معرفة الكنترول شيب بس انا بدات بيه لانه الادق
و ركز معايا انا قولت اننا هنجعله الخيار الثالث ـ هنحتاج السطر ده بعدين





2- ثاني طريقة و أول خيار هي استعمال البرنامج العبقري ـ حسب اسمهو فعلا _



Chip genius




برنامج اكثر من ممتاز لمعرفة الكنترول شيب و حجمه صغير فقط 132 كيلو بايت


تفضل رابط البرنامج مباشر علي جوجل





[ندعوك للتسجيل في المنتدى أو التعريف بنفسك لمعاينة هذا الرابط]




وصورة البرنامج الرئيسة بعد تشغيله














رقم 1 في الصورة




- يقوم البرنامج أوتوماتيكيا بتحدد الفلاشة و كما في الصورة انتقل السطر المظلل الي الفلاش ذو الحرف j


أحيانا عند توصيل قارئ كروت و فلاشة يخطي البرنامج و يعطي بيانات الريدر و ليس الفلاشة


فتاكد دائما ان البرنامج محدد السطر الخاص بالفلاشة و يمكن معرفة ذلك بسهولة عن طريق حرف البارتشين أو حل آخر افصل الريدر من الجهاز دلوقتي




أيضا أحيانا عند توصيل الفلاشة و الماوس مثلا او الفلاشة و اي شئ اخر علي هب او كابل مشترك حصلت مرة ان البرنامج دمج بيانات الاتنين في صورة كانت عجيبه




و أفضل شئ طبعا الفلاشة تكون في منفذ البوردة مباشرة





رقم 2 ـ هاد هو في الصورة ـ




الجزء مطلوب في بيانات الفلاشة ـ هو هاد ـ


كما نري سطرين أول سطر


chip vendor :alcor


هاد اسم الشركة صاحبة الكنترول و هاد الاسم اللي حنبدا بيه عملية تنزيل الفيرم وير من الموقع


chip part-number


هاد رقم الكنترول و وهوا أهم سطر في البرنامج لان أول حرفين بيكونوا اختصار لاسم الشركة و الباقي رقم الكنترول يعني السطر هاد يغنيك عن السطر السابق ـ إذا كنت تعلم الاختصارات


ففي المثال هنا عرفنا ان الشيب من انتاج شركة alcor و رقم الشيب au6981-3




رقم 3- ( وين ؟؟)


شي اسمها ال بيد و ال فيد حاليا ملهاش اي لزمة في حالتنا هذه و لا يعتمد عليها في معرفة الكنترول و لكن أحيانا بتنفع

















V - موقع






دلوقتي المطلوب هو موقع لتنزيل البرنامج المنشود




أفضل المواقع من وجهة نظري هو الموقع الروسي


موقع تحميل البرنامج

[ندعوك للتسجيل في المنتدى أو التعريف بنفسك لمعاينة هذا الرابط]



و نقفل الجزئية بهاد بس














VI -البحث عن الكنترول بالبيد و الفيد







كما سبق برنامج الشيب الجنيس ممتاز لمعرفة الكنترول شيب و هو الخيار الأول و لكن أحيانا لا يستطيع البرنامج تحديد الكنترول كما في الصورة فما العمل إذن ؟؟؟















كما نري البرنامج قرا بيانات الفلاشة و لكن لم يحدد الكنترول



هناك حل وسط بين الشيب جنيس و فتح الفلاشة و هو البحث عن الكترول بالبيد و الفيد




وكما سبق هنجعل دي جزيئة منفصلة حبتين و الوصول ليها من هنا















VII - شروحات لبعض برامج الشيب








مش معقول ان مضيع وقتي على الموضوع ـــ و لا هلا شي ببلاش




طبعا الشروحات هتاخد شوية وقت فإن شاء الله الجزئية دي هتكون متجددة و سيتم إضافة اللينكات هنا تباعا





[ندعوك للتسجيل في المنتدى أو التعريف بنفسك لمعاينة هذا الرابط]








(تحت الإنشاء )










VIII -خاتمة





1-شئ طبيعي يكون هناك خاتمة طالما في مقدمة




2- موضوع الفيرم وير ليس لمجرد فرمته الفلاشة إنما بيفتح المجال لخيارات اخري مثل وضع حماية علي الفلاشة أو تقسيم الفلاشة الي جزئين و غيره




و إن شاء الله بنشوف الحكاية أثناء شروحات البرامج




3-أحيانا بعد فرمته الفلاشة بطريقة الموضوع نكتشف ان الفلاشة كانت مزورة و ان الحجم الفعلي للفلاشة أقل من المفروض !! إزاي









[ندعوك للتسجيل في المنتدى أو التعريف بنفسك لمعاينة هذا الرابط]




((و إن شاء الله سيجدد أيضا ))




تم بحمد الله تعالى